Author Archives: sverrir

Félagsfundur – Október

Félagsfundur flugmódelfélagsins Þyts verður haldinn fimmtudaginn 2. október 2008 kl. 20:00.

Fundurinn verður haldinn í félagsheimili Flugklúbbs Mosfellsbæjar að Tungubökkum.

Fyrir hönd stjórnar Þyts

Einar Páll Einarsson
S 897 7676

Jón V. Pétursson
S. 895 7380

Vel heppnað Vöfflumót

Þá er vöfflumótið 2008 að baki. Mæting var þokkaleg og það voru eldhugar sem komu. Erlendur stjórnaði aðgerðum innanhúss af röggsemi og á mettíma var félagsheimilið okkar orðið hæft fyrir forsetaheimsókn.

Úti við fóru Þorsteinn og Jón fyrir smíðum á nýju samsetningarborði. Það gekk vonum framar og núna verður hægt að setja saman vélar á glænýju borði. Til stendur að smíða ný startborð sem höfð verða utan pittsins og verður tilkynning þess efnis send út bráðlega!

Boðið var upp á heitar vöfflur með sultu og rjóma meðan á mótinu stóð! Mótinu lauk um kl. 15:00 með sigri allra félaga í Þyt sem hyggjast nýta sér aðstöðuna okkar í sumar.

vofflumot1

vofflumot2